O pasado día 15 foi finalmente Woo Hyuk marchou a facer o servizo militar obrigatorio en Korea do Sur, nada máis e nada menos que 26 meses que nos teremos que quedar as fans esperando...
Moito tempo para calquera, a ver cando é o día que nos dan a boa noticia de que as tensións entre as dúas Koreas están arranxadas e que volve o mundo de paz onde non son necesarios os militares.
O caso de Woo Hyuk é un tanto especial, moitas eran as fans que esperaban que librara debido a súa enfermidade; xa que como expliquei xa anteriormente nunha entrada adicada a el, a súa mandíbula sufre dislocacións continuas (creo que é artritis ou algo así) e debido a que estaba no límite de idade para ingresar todas estábamos esperanzadas de que se librara de ir. Pero nada máis lonxe e ahí o temos xa alistado, iso sí, debido aos seus problemas tocaralle estar en oficina e tódolos días irá a recuperación no hospital.
O que nos toca agora é esperar ao día 15 de febreiro do 2010, case nada
Na súa última entrevista entre outras cousas mandou unha mensaxe as súas fans:
“Honestamente, síntome un pouco preocupado sobre esta longa ausencia. 2 anos non é un curto periodo de tempo. Pero servirei pacificamente miñas obrigacións e entón volverei. Realmente síntoo polas miñas fans por non tratar miña enfermidade apropiadamente. Prometo que me cuidarei e volverei máis saludable e con máis enerxía. Intentarei duramente completar as miñas obrigacións militares".
Noutra mensaxe ás fans dixo ata un "saranghae", algo raro nel XD que dulce que é ^^ pero realmente a min paréceme que non estaba moi contento por ir, algo normal xa que como é lóxico pregúntase se dentro de dous anos alguen lle estará esperando. Aquí a fotiño de como nos deixou, todo rapadiño pobre O día da súa entrada centos de fans fóronlle a despedir entre choros, e unha marea de fotógrafos e periodistas se avalanzaron sobre el de tal maneira que ata os militares tiveron que axudalo...o pobriño molestóuse un pouco polo agobio.
Aquí tedes o vídeo :
ANNYEONG WOO HYUK OPPA! Nunca borres ese sorriso porque estaremos esperando
Hoxe decidín escribir algo sobre un dos grupos femininos koreanos que máis me gusta e que máis promete. E é que xunto a bastantes grupos de idols de chicas onde o talento non parece ser seu maior forte aparecen estas 4 chicas que cantan o chamado "hybrid soul" no que o r&b é combinado có hip hop; e que ante todo destacan polas súas grandes voces e por unha excelente rapeira.
As membros son: Je-A (제아), a líder nacida en 1983 Narcia (나르샤), nacida en 1983 Miryo (미료), rapeira nacida en 1983
Ga-In (가인), a pequeniña do grupo nacida en 1987
Cómo estas catro chicas chegaron a formar Brown Eyed Girls se explica debido a tres anos de concepción dun grupo de chicas por parte da compañía NEGANETWORK, así que despois de ser reclutadas mantivéronse entrenando pra finalmente producir e realizar seu album debut. Despois de ano e medio a producción rematou e deron a luz seu primeiro traballo en marzo do 2006 "Vol. 1: Your Story", seu moderado éxito provocou que en setembro de 2007 publicaran seu segundo, e por agora, último album "Vol.2: Leave Ms. Kim" que tamén colleitou éxito considerable. A pesar de que non son grandes coñecidas pra o gran público, xa teñen seu lugar reservado no mercado musical, ademais sábense rodear de xente con talento como SG Wannabe, Jang Nara ou Ok Joo-Hyun quenes foron os encargados de entrenalas, e que posteriormente colaborarían en cancións.
Seu videoclip (precioso por certo) de seu single de presentación "Dagawasuh"
Outro pv, súa colaboración có rapeiro Jo PD titulada "Hold the Line"
Agora déixovos con dous videoclips unidos, conta unha historia moi triste O_O, a canción é unha colaboración con SeeYa titulada "The day". Por certo nos videoclips aparecen dous membros da boyband Supernova.
E por último o pv que é miña canción favorita pertencente a seu segundo album e que leva o mesmo nome: "Leave Ms. Kim"
Esperemos que pouco a pouco a fama lles chegue de maneira total e sexan coñecidas para todo público, pois aínda que son xovenciñas demostran unha madurez e talento que xa quixeran outras.
Hoxe vou falar dun dos meus grupos favoritos de Korea, iso a pesar de que os comecei a escoitar e a interesarme por eles fai pouco aínda que xa os coñecía fai tempo. E é que foi un caso raro, xa que vira pv´s deles e por suposto escoitara moitas das súas cancións pero é agora cando ao darlles unha verdadeira oportunidade cando quedei prendada. Antes de comezar coa súa longa historia de 9 anos en activo os presento, o grupo fórmano dous membros:
Brian Joo 브라이언 koreano-americano nacido en Los Angeles en 1981
Fany/Hwanhee 환희 nacido en Seoul tamén en 1981
O dúo foi formado en 1998 por SM Entertainment, nunha audición en New Jersey na Holy Spirit High School Brian foi seleccionado para entrar na compañía, ao mesmo tempo Fany foi levado a unha audición por un membro de SM que estaba traballando no seu festival de instituto. Así formóuse FTTT (Fly To The Sky) que debutou finalmente o 12 de novembro de 1999 no LOG-IN H.O.T. Show e no SM Festival Concert '99.
Seu primeiro album non se fixo esperar e o 9 de decembro dese mesmo ano presentaron "Day by Day", un traballo que sorprendeu debido a seu estilo: r&b; xa que se alonxaban dos teenidols desa época que optaban polo techno dance. Colleitaron algo de popularidade en USA, China, Taiwan, Singapore e Korea do Sur a pesares de que o album non conseguiu convertirse nun éxito instantáneo; por moi moderado que fora este inicio a verdade é que adquiriron un status para a seguinte xeración de artistas.
O seu primeiro traballo, madre que pintas:
Despois deste primeiro traballo, decidiron que tiñan que realizar un album de estudio por ano e así fixeron. A súa popularidade pouco a pouco comezou a incrementarse debido a 약속 (The Promise), un album que tivo moi boa colocación nas listas de ventas.
No 2001 presentan "Sea of Love" que foi publicado mentres Brian se atopaba en New Jersey na Universidade de Rutgers, ata que non puido regresar a Korea Fany tivo que facer as actuacións el só. Aínda con esta dificiultade o album convertéuse no éxito do vran. É importante dicir que o segundo single pertencente a "Sea of Love" foi escrito polo gran cantante estadounidense Brian McKnight. É a partir de aquí cando seu estilo de música comeza a madurar e a facerse máis cercano ao r&b alonxándose do pop que asomaba nos seus dous primeiros albums. Deste disco pv do mesmo nome:
Con cada album que sacan o seu éxito e popularidade van en aumento: "Missing You" será seu cuarto album e "Gravity" será o quinto e derradeiro traballo que publiquen baixo o sello de SM Entertainment, nestes o r&b máis puro vése influenciado un pouco polo pop. Como sempre soe suceder, foron criticados por sonar parecido a outros e por enfocarse en baladas dramáticas onde ensinaban súas habilidades vocais.
Un dos seus últimos pv baixo SM:
Logo de expirar seu contrato con SM Entertainment no 2004, Fly to the Sky firmou con PFull Entertainment, compañía que entre outros artistas leva a Eugene excompoñente das S.E.S. É baixo este novo sello cando publican seu sexto album "Transition", debido ao seu éxito decidiron sacar unha edición especial que incluiría novas cancións como Hwan Sang (Illusion), Hot and Cold, and When I Say, que son consideradas menos dramáticas que as outras.
Elixín o pv "Blood" pertencente a "Transition", ten historia triste:
Ao longo de todos estes anos colleitaron chea de premios: MTV Asia's "Artista del Mes" en 1999, M.NET Music Video "Festival's Best R&B Artist" en 2003, e SBS Gayo Daejun's "Best R&B Artist" en 2004 entre moitos outros.
Sen embargo non todo é felicidade e houbo moitos malos tempos. Un dos momentos máis duros foi cando xusto antes da súa volta có terceiro album, seu manager morreu nun accidente de coche; isto foi especialmente duro para Fany que horas antes estivera na furgoneta con el. Tamén nos seus principios estiveron a piques de romper, isto se sabe debido a confesión este pasado xullo por parte de Brian nun programa de televisión, comentou que todo era culpa de seu sentimento de inferioridade ante Fany, que era o que levaba tódolos aplausos mentres el recibía presión e quedaba nun segundo plano; por iso decidiu propoñerlle a Fany romper o dúo pero éste en vez de aceptarlle enfadóuse ata convecer a Brian que traballar xuntos era o mellor. E así foi porque, como é obvio, esta ruptura non se produxo.
Pero quizais o momento máis difícil de todos foi a polémica que envolveu a Brian no 2003. Durante esas datas houbo un forte sentimento anti-americano en Korea debido a que un soldado estadounidense asasinara a dúas adolescentes e estaba na espera de ser xulgado, nun programa de radio ao que asistía como invitado lle preguntaron a Brian por este suceso e el opinou que mentres o soldado fora xulgado non quería que as relacións entre Korea e Estados Unidos, seu país, foran tensas. Isto foi interpretado como "Non insultes aos USA porque son americano" ou "Non podes falar diante miña mal dos americanos...porque son americano, por favor só odia aos soldados americanos (responsables do incidente)", é dicir caéronlle críticas de tódolos lados. Como explicou el mesmo tempo despois entre bágoas, pechóuse en casa sen querer saír a ningún sitio e déuselle un pouco por beber. Un dos feitos que lle marcou moito foi cando unha suposta fan se lle acercou a pedirlle un autógrafo, mentres estaba a firmarllo a chica colleu a folla e rompeuna diante da súa cara dicindo: "non queremos autógrafos de americanos", logo déuse a volta e marchou para logo volver (Brian pensaba que para disculparse) a empúxalo con toda a mala leite do mundo, a parte disto comezóulle a chegar correo insultándoo e amenazándoo, e non só a el senón tamén a Fany (cousa que lle doeu aínda máis). Pra rematar con todo esto Brian pediu perdón públicamente e declarou que as súas palabras foran malinterpretadas xa que el recibira unha estricta educación koreana, de ahí que entre outras cousas sepa falar perfectamente o koreano.
Aquí vós deixo o lacrimóxeno video onde el mesmo relata o suceso da "fan":
Olvidando este desagradable incidente pasamos a falar da carreira deles fora do negocio musical. Pola parte de Brian debido o seu dominio do inglés presentou un programa de MTV onde entrevistaba a celebridades made in USA, do tipo Britney, Christina Aguilera ou Mariah Carey (que tres jaja). No 2006 se converte nun dos presentadores de "Music Core" e a finais dese mesmo ano decide sacar disco en solitario titulado "The Brian" onde se acerca máis ao pop clásico, e que se converte en número 1 deseguida.
Actuación de Brian na MNet cantando o seu éxito "Kajima" (Don´t leave), que majo e guapo é^^
Pola parte de Fany temos a súa presencia no 2006 nun drama da MBC "Over the Rainbow" onde comparte escea con Kim Ok-Bin e Ji Hyun Woo. A serie emitíuse entre xullo e setembro do 2006 sen obter o éxito esperado en ratings aínda que a actuación por parte de Fany levou positivas críticas. Nestes días anuncióuse a súa presenza noutro novo drama que se emitirá na temporada que ven.
É ao rematar o contrato con SM Entertainment cando os dous comezaron a aparecer en programas de televisión de variedade, sobre todo Brian; tales como Happy Sunday, Heroine 6, Love Letter, X-Man, e Star Golden Bell. Todas estas aparicións axudaron a Brian a gañarse unha publicidade e a expandir a súa base de fans dunha maneira que non puido ser nos seus anos de inicio, aínda que algúns criticaron esto porque dicían que podía saír danada a súa imaxe como artistas.
Outra cousa que recibiu algo de crítica e incredulidade por parte de fans foi o cambio estético de Fany no 2007, cando apareceu con novo nariz e non sei se algo máis. Como invitado nun famoso programa admitiu a ciruxía (como pra negala) e declarou que a realizou para sentirse ben consigo mesmo xa que tiña un gran complexo. Persoalmente non estou moi a favor de ciruxía estética, pero cada un que faga o que queira có seu corpo...e aínda que podo chegar a entender a Fany aínda custa traballo creer que se trata da mesma persoa.
Finalmente neste ano 2007 os dous volvéronse reunir para dar a luz o seu séptimo, e por agora, último album "No Limitations" que alcanzou o número 1 sen moito esforzo XD e do que agora sacarán unha reedición.
Aquí tedes seu último pv (aínda que pronto sacan o novo) "My angel", que é moi triste e ademais aparece a actriz xaponesa Aoi Miyazaki.
E rematando o último video que poño é unha actuación da pasada semana no Sharing Love Concert onde interpretan "I love you" e onde a parte podedes observar o cambio de Fany:
Espero ansiosa novas aparicións deles porque agora mesmo están embarcados nunha gran xira que os levara por tódolos recovecos de Asia Oriental, se é que por onde pasan triunfan^^
Aish como botarei de menos a Brian como presentador do MusiCore!!si...esta semana anuncióuse que por problemas de axenda non poderá aparecer así que decidíuse facer cambio de plantilla e T.O.P e dous Wonder Girls ocuparán seu lugar máis o do superjunior Kang In...aínda menos mal que puxeron a T.O.P jeje na súa honra deixo un video cós seus momentazos, é que é meu cuteboy jaja que toliño me está:
Seguindo cós meus descubrimentos toca outro trío made in Korea, de novo igual que 8eight formado por dous chicos e unha chica. Aínda que hai que dicir que os Tykeys a pesar de ser máis xovenciños foron os que antes debutaron^^ Ao igual que moitos tríos coñecidos (SoulStar, V.O.S ou os xa citados 8eight) o seu é o r&b.
O seu primeiro e polo dagora último album "TYKEYS Vol.1 - TY Project No.1" o presentaron no pasado febreiro colleitando éxito debido sobre todo ao single pegadizo "I'm Sorry". E este agosto sacaron novo single titulado " 연상연하 (Digital Single)" de novo un éxito,que os afianza como algo máis que simples promesas.
Os compoñentes son: 수 / Soo que naceu en 1984 e é a líder
현정 / Hyun Jung o rapeiro nacido en 1985
장군 / Jang Goon nacido en 1987
Os dous vocalistas do grupo teñen unhas voces incríbles, quen diría que son tan xoves sobre todo el^^ deixo un video onde cantan "If ain´t got you" de Alicia Keys:
Seguindo cós videos..toca o pv có que se presentaron "I´m sorry"
O seu último pv "연상연하(Old and Young)"
Agora a esperar que saquen máis cousiñas e nos deleiten coa súa música e voces^^ Por certo por se non quedou claro a miña debilidade é Hyun Jung XD
Outro descubrimento musical, esta vez é un solista^^
Trátase de Son Ho Young 손호영 que naceu un 26 de marzo de 1980 en New Jersey, é dicir USA. Déuse a coñecer en Korea como compoñente do grupo de kpop G.O.D que estivo activo dende 1999 ata o 2005 e que entre os seus membros a parte de Ho Young se atopaban Kim Tae Woo(김태우),Danny Ahn (데니 안),Park Joon Hyung (박준형) e Youn Kyae Sang (윤계상), realmente o grupo por así decilo segue existindo a pesar de que o último nomeado xa non fai ningunha actividade.
O antes do grupo:
E o agora:
A pesar de non rematar có grupo os membros centráronse nas súas carreiras e no 2006 presenta o seu primeiro traballo como solista titulado "YES", que contén os éxitosos singles "운다" ("Crying"), "YES", and "사랑은 이별을 데리고 오다" ("Love Brings Separation"), sendo o primeiro exmembro en lanzarse en solitario.
E este xullo pasado sacou novo single titulado Sweet Love; onde a canción principal é "하늘에 내 마음이" ("My Heart in Heaven").
O famoso grupo G.O.D. e o seu pv, a canción é boísima e os catapultou ao éxito; ademais o video o protagoniza un dos meus centos de oppas Jang Hyuk de xovenciño:
Agora seu último pv, o que fixo que me fixara nel jeje a canción encántame^^
E este é o seu primeiro single "Yes" pertencente a seu primeiro album do mesmo nome:
(as hai con sorte O_o)
E para rematar un video del bailando en Xman (que raro que baile ben eh? jaja)
Espero que vos guste tanto como a min, porque HoYoung o vale que ten moito talento XD
Por certo púxenlle o mote do chicosonrisa porque é que esta seguido sorrindo, e eu tan encantada jeje que riquiño que é <3
Regreso para falar dun novo grupo de Korea que mestura soul, r&b, hip hop e kpop. O grupo está formado por tres compoñentes, algo que parece estar moi de moda no país^^; dous chicos e unha chica.
O líder é 이현 / Lee Hyun que ten 25 anos e é o cantante principal
주희 / Joo Hee a chica
O rapeiro (aínda que tamén canta) 백찬 / Baek Chan; estes dous últimos de 24 anos.
Só teñen un disco "8eight Vol. 1 - The First" có que se fixeron un oco no mercado musical, colleitando un gran éxito.A canción que os presentou foi 사랑을 잃고 난 노래하네 (ven a siñificar algo sí como "olvida o amor e canta") aquí tedes o pv:
E demostrando as grandes voces que teñen no programa que os deu a coñecer:
Por último un video antes do seu estrellato onde cantan cancións de r&b de sobra coñecidas:
Esperemos que seu éxito non sexa momentáneo e nos deleiten con máis boas cancións, porque dende logo o valen.
PD.- non puiden resistilo e atopei a Lee Hyun cantando unha das miñas cancións favoritas de Wheesung así que o poño, que bó gusto musical ten^^:
Incríble pero certo o novo de Jay Chou é máis que discutible. Este taiwanés con talento de sobra para todo o que ten que ver có mundo artístico está desconcertando e encantando por partes iguais co seu novo traballo, xa que se lle deu por probar có country nun album chamado "On The Run" que sairá a venta o día 2 de novembro. A canción coa que o presenta chámase "Cowboy on the run".
Si...lichedes ben, un taiwanés facendo country sona bastante raro O_o pero Jay é coñecido por experimentar con novos sons sen importarlle moito o que dirán, tamén é certo que o seu posto na industria é raro que se tambalee debido a seu enorme fandom.
Jay ten 29 anos (quen o diría con esa cara de neno) e na súa longa carreira fixo de todo, empezou escribindo cancións para outros e agora é unha das grandes estrellas de Asia. Músico, cantante, compositor, actor, escritor, guionista e director parece que non hai nada que se resista a ser probado por este home. Unha das súas facetas máis coñecidas é a de pianista, instrumento que comezou a tocar aos 4 anos pero non é o único, xa que demostra o seu talento tocando case todos os instrumentos (incluíndo chelo e violín).
Logo de todos estes anos logrou obter un son único que mestura r&b, hip hop, rap, rock, etc etc... o chamado ""Chou Style" (chino tradicional: 周氏風格; chino simplificado: 周氏风格; pinyin: zhōu shì fēnggé) e aínda que o engloban dentro do cpop, o seu estilo pódese dicir que é inclasificable^^
Agora o único que lle faltaba por probar quizais era o country, e como non ía ser menos con moito humor presenta o seu novo traballo que pode gustar ou non gustar pero indiferente non deixa a ninguén.
Particularmente, a canción resúltame divertida e o videoclip máis XD como fan súa pode que prefira a súa etapa anterior pero está ben experimentar para atopar onde está o propio límite de cada un, tamén pode ser que Jay só queira mostrar un lado máis humorístico e divertido que o que nos ten acostumados.
Como sempre Jay nos sorprende ano tras ano, traballo tras traballo e chéirame que sempre será así.
:
